Capitulum 13
1 (12:1) victori canticum David usquequo Domine oblivisceris mei penitus usquequo abscondes faciem tuam a me
2 (12:2) usquequo ponam consilia in anima mea dolorem in corde meo per diem
3 (12:3) usquequo exaltabitur inimicus meus super me
4 (12:4) convertere exaudi me Domine Deus meus inlumina oculos meos ne umquam obdormiam in mortem
5 (12:5) nequando dicat inimicus meus praevalui adversus eum hostes mei exultabunt cum motus fuero
6 (12:6) ego autem in misericordia tua confido(12:7) exultabit cor meum in salutari tuo cantabo Domino quia reddidit mihi
